Араб аялдары унаа айдоо укугун алар замат автоспортко бет алыштыбы?

Араб аялдары унаа айдоо укугун алар замат автоспортко бет алыштыбы?
29-Июнь 2018, Жума, 12:07

Сауд Арабиясынын аялдары 30 жыл бою автоунааны башкаруу үчүн күрөшүп келгени баарыбызга маалым.

Кэчээ жакында гана бул мыйзам күчүнө кирди. Ушул тарыхый учур Асель Аль-Хамад атуу айымдын Франциядагы "Формула-1" жарышында "Поль Рикар" трассасы аркылуу айдап өтүүсү менен дүйнө элин өзүнө каратты. Бул жарыш автоспорттогу "Формула-1" сыяктуу беделдүү жарыштын Францияга кайра кайтып келүүсүнүн урматына уюштурулган.

Жалпысынан Сауд Арабиянын аялдарына унаа айдоого мыйзамдуу түрдө уруксат берүү өтө чоң окуя болду. Буга кол жеткирүү үчүн аракет кылгандарды буга чейин түрмөгө да отургузуп келишкен.

Ошенткени менен бул маселе чечилди. Ушуга байланыштуу, маалымат булактарынын арасында атактуу “Vogue” журналы бир чыгарылышынын мукабасына Сауд Арабиясы ханшайымы Хайфа бинт Абдалла Аль Сауддун кызыл кабриолетте отурган сүрөтүн жарыялаган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!