Унутчаак айдоочу “Lamborghini”ни өрттөдү (видео)

Унутчаак айдоочу “Lamborghini”ни өрттөдү (видео)
12-Июль 2018, Бейшемби, 11:51

АКШнын Миссури штатында май куючу жайда жаңы “Lamborghini Huracan Performante” суперкар өрттөндү. Окуя болгон жердеги видео жакында “Инстаграмда” пайда болду.

“Lamborghini”нин ээси Бостондон Лас-Вегасты көздөй “Goldrush Rally” жарышына катышып бара жаткан. Окуя жолдун ортосунда, тактап айтканда, Сент-Луисетеги “Mobil 1” май куюучу станцияда болгон.


Жакын жакта токтоп турган “Chrysler” унаасынын айдоочусу май куюучу пистолетти албастан айдап кеткен. Жулунуп кеткен шлангдан аккан май италиялык суперкарды үстүнө жабыла куюлган. Ысык түтүктөн от чыгып унаа өрттөнгөн.


Суперкардын айдоочусу бул убакта дүкөндө болгон. Өрт өчүрүүчү экипаж өрт болгон жерге тез жетип келген. Ага карабастан унааны сактап калууга мүмкүн болгон эмес. 274 миң долларлык “Lamborghini Huracan Performante” бир нече мүнөттүн ичинде толугу менен күйүп кеткен.

Эскерте кетсек, “Goldrush Rally” жарышы 22-июнь күнү башталган. Старттык баа 20 миң доллардан башталган. Анда “Audi”, “Bugatti”, “Ferrari”, “Lamborghini”, “Lexus”, “Maserati”, “Mclaren”, “Mercedes-AMG” жана тюнингделген седан “Mercedes S-класстагы” суперкарлар катышкан.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!