​Баалуу кагаздарды чыгаруудан 12 млрд. сом түштү

​Баалуу кагаздарды чыгаруудан 12 млрд. сом түштү
11-Июль 2018, Шаршемби, 14:17

Үстүбүздөгү жылдын январь-июнь айларында Каржы министрлиги мамлекеттик баалуу кагаздарды чыгаруудан 12 млрд. 16 млн. сом киреше тапкан. Бул тууралуу Каржы министрлигинин маалымат кызматы билдирди.

Маалыматка караганда, баарынан көп киреше мамлекеттик облигациялардан түшүп, 10 млрд. 353 млн. сомду түзгөн. Анын ичинен 10 жылга берилгендерден 3 млрд. 927 млн., 7 жылга берилгендерден 2 млрд. 482 млн, 2 жылга берилгендерден 1 млрд. 105 млн, 3 жылга берилгендерден 1 млрд. 320 млн., 5 жылга берилгендерден 1 млрд. 517 млн. сом киреше түшкөн.

Ал эми мамлекеттик векселдерден 1 млрд. 663 млн. сом түшкөн.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР