“Nokia” смартфону эми 5 камерага ээ болот

“Nokia” смартфону эми 5 камерага ээ болот
12-Сен. 2018, Шаршемби, 09:13

Ушундан он жыл мурда телефондордун арасында алдынкы орунда болуп келген “Nokia” компаниясы акыркы жылдары мыктылардын арасынан чыгып калган эле. Экинин биринде табылган кечеки “Nokia” телефондору, ичке кубаттоочу түзүмдөрү бүгүнкү күндө жок болуп кеткен. Компания мурункудай атактуулукка кайрадан жетүү үчүн базарга өзгөчө бир эмгеги менен кирмекчи.

«Бир камера жакшы, бешөө андан да жакшы» деп урандаган компания беш бирдей камерага ээ “Nokia” флагмандык смартфондорун кураштырып жатат. Мындай өзгөчөлүк менен келечекте сатыкка чыга турчу телефон – “Nokia 9” деп аталат

Смартфондун арткы бөлүгүндө 7 «көзчө» орнотулган. Анын бешөндө камера, калган экөөнүн бирөө жарык (фонарик) жайгашкан. Ал жетинчи көздүн кандай кызмат аткараары дагы айтыла элек.

Желедеги пикирлерге, инсайдерлердин маалыматына таянсак, жетинчи көзчөдө сенсорлуу баскыч орун алышы мүмкүн. Бул смартфон тууралуу расмий маалыматтар жарыяланбагандыктан, анын сатыкка чыгуу убактысы, так баасы белгисиз. Сүрөттөгү “Nokia 9” флагманын сынактан өткөрүү максатында 30 -август күнү заводдон чыккан.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!