Ысык-Көлгө чөгүп кетти деген адам тирүү табылды

Ысык-Көлгө чөгүп кетти деген адам тирүү табылды
2-Авг. 2018, Бейшемби, 16:43

"Сууга чөгүп кетти" деп изделип жаткан 23 жаштагы жаран тирүү табылды. Бул тууралуу Өзгөчө кырдаалдар министрлигинин басма сөз кызматы кабарлады.

Анда айтылгандай, Ысык-Көл облусунун Балыкчы шаарындагы "Сейил" пляжында сууга чөгүп кетти деп изделип жаткан 1995-жылы туулган жаран сууга чөкпөгөндүгү аныкталып, 2018-жылдын 2-август күнү саат 10:00 чамасында пляждагы боз үйлөрдүн биринен тирүү табылган.

Эске сала кетсек, 2018-жылдын 1-август эркек киши сууга чөгүп кеткендиги тууралуу маалымат түшүп, издөө иштерин жүргүзүү үчүн ӨКМден 4 куткаруучу тартылган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!