"Тазалыктын" кызматкерлерине батирлер берилет

3-Авг. 2018, Жума, 10:58

"Ош-Тазалык" муниципалдык ишканасынын кызматкерлерине жеңилдетилген ипотекага батирлер берилет. Бул тууралуу кечээ, 2-августта Ош шаардык мэриясынын маалымат кызматынан билдиришти.

""Ош Тазалык" муниципалдык мекемесинин кызматкерлери үчүн үйлөр курулуп, жеңилдетилген ипотекага берилет. Үйлөр 2-3 жылдын ичинде курулуп бүтүп, болочок ээлерине тапшырылуусу каралууда", - деп айтылат мэриянын маалыматында.

Белгилей кетсек, 2018-жылдын биринчи жарымында Ош шаарында 222 миң 948 метр куб таштанды чыгарылган. Бул өткөн жылга салыштырмалуу 1 миң 130 метр кубга көп.

Ошондой эле үстүбүздөгү жылдын 6 айынын жыйынтыгында таштанды чыгаруудан 53 миллион сом жыйналган. Андан сырткары жыл башынан бери Ош шаарында эски таштанды челектеринин ордуна 40 жаңы контейнер орнотулган.

Тегдер:
Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!