Көчмөндөр оюндары: унаа жолуна чектөө киргизилет

Көчмөндөр оюндары: унаа жолуна чектөө киргизилет
3-Авг. 2018, Жума, 15:55

III Дүйнөлүк көчмөндөр оюндарына байланыштуу 2-сентябрдан 8-сентябрга чейин Балыкчы-Ананьево-Каракол унаа жолуна чектөө киргизилет. Бул тууралуу бүгүн, 3-августта Жол кыймылынын коопсуздугун камсыздоо башкармалыгынан билдиришти.

Маалыматка ылайык, чектөөлөр жүк ташуучу, оор жүк ташуучу унааларга, автобустарга жана кичи автобустарга, айыл чарба техникаларына, ошондой эле кооптуу жүктөрдү ташыган унааларга киргизилет.

Бул күндөрү Чолпон-Ата шаарындагы жолдун 81-чакырымынан 83-чакырымына чейинки бөлүгүндөгү альтернативдик жол каралган. Альтернативдик айланма жолдун узундугу 3 чакырым 700 метрди түзөт.

Белгилей кетсек, көчмөндөр оюндары 2-сентябрдан 8-сентябрга чейин Чолпон-Ата шаарында, Булан-Сөгөтү айылында жана Кырчын жайлоосунда өтөт.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!