Таластын Алмалуу жайлоосунда өрт чыкты

Таластын Алмалуу жайлоосунда өрт чыкты
6-Авг. 2018, Дүйшөмбү, 15:20

Таласт областындагы Алмалуу жайлоосунун тоо этектеринде кайрадан өрт чыкты. Бул тууралуу бүгүн, 6-августта Өзгөчө кырдаалдар министрлигинин басма сөз кызматынан кабарлашты.

Маалыматка караганда, 28-июлда Манас районунун Жайылган айылынын Алмалуу жайлоосунун тоо этектеринен чыккан өрт 4-август күнү саат 15:40да толук өчүрүлгөн. Бирок 5-август күнү саат 17:00дө өрт кайрадан тутанган. Болжол менен жалпы 2000 гектар куураган чөп жана бадалдар күйгөн.

Өрттү өчүрүүгө ӨКМнин 63 кызматкери, РИИБден 30 кызматкер, техникалык лицейден 7 адам, Чүй облустук жана Манас, Бакай-Ата, Токтогул райондук токой чарбаларынан 50 кызматкер, жергиликтүү тургундардан 200 адам, жалпы 350 адам тартылган.

Манас райондук мамлекеттик админситрация башчысы-акимдин 1-августтагы №180 буйругунун негизинде аймака “өзгөчө кырдаал тартиби” киргизилген. Тартылган күчтөрдүн жардамында өрттү өчүрүү иш-чаралары жүргүзүлүп жатат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!