Эт комбинатынан чыккан өрт толук өчүрүлө элек

Эт комбинатынан чыккан өрт толук өчүрүлө элек
10-Авг. 2018, Жума, 11:10

Бишкек шаарындагы эт комбинатынан чыккан өрт толук өчүрүлүп бүтө элек. Мындай маалыматты ӨКМдин басма сөз кызматы билдирди.

Эскерте кетсек, 9-август күнү саат 04:53 чамасында Москва жана Фучик көчөлөрүнүн кесилишинде эт комбинатынын чатырынан өрт чыккан.

Өрттү өчүрүүгө жалпы беш бөлүм, 6 куткаруучу, Штаб, ИИМ кызматкерлери жана “Тазалык” ишканасынан 4 суу ташуучу унаа тартылган.
Тартылган күчтөрдүн жардамында өрт 9-август күнү саат 11:23тө чектөөгө алынган. Учурда жеринде 2 бөлүм өрттү толук өчүрүү иш-чараларын жүргүзүүдө. Ал эми калган тартылган күч-каражаттар туруктуу жайгашкан ордуларына кайтышкан. Кырсыктын кесепетинен комбинаттын болжолдуу түрдө 5000 чарчы метр аянты күйгөн. Жаракат алгандар болгон эмес. Өрттүн эмне себептен чыкканы азырынча айтыла элек.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!