Курман айт 21-августта белгиленет

Курман айт 21-августта белгиленет
13-Авг. 2018, Дүйшөмбү, 09:37

Кыргызстанда мусулмандардын Курман айт майрамы 21-августта белгиленет. Бул тууралуу Муфтияттын маалымат кызматы кабарлады.

"12-август Зул Хижжа айынын биринчи күнү болгондуктан кыргызстандыктар Курман айт майрамын 21-августта белгилешет. Ал эми 20-август арапа күнү болуп, ажылык милдеттерин өтөп жүргөн мекендештерибиз бул күнү ыйык Мекке шаарындагы Арафат өрөөндө болушмакчы", - деп жазылган муфтият тараткан маалыматта.

Курман айт – мусулман коомчулугунун ири майрамы болуп саналат. Аны белгилөө күнү Айдын чыгышына карап аныкталат.

Сауд Арабиясы быйыл ажыга барууну каалаган кыргызстандыктар үчүн 5 миң 400 квота бөлгөн. Алгачкы топ 25-июлда кеткен.

Кыргызстанда калктын 80 пайыздан көбүн мусулмандар түзөт.

Куттуу Курман айт майрамын Алла Таалам бизге жана жалпы адамзат үчүн куттуу, берекелүү кылсып, Жаратканыбыз ушул улуу күндөрдө көптөгөн ибадаттарды насип кылсын. Жасаган ар бир жакшылыктарыбызды кабыл кылсын. Өлкөбүзгө тынчтык, ынтымак менен бактылуулукту жана бейпил жашоону насип кылсын.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!