«Бир айыл-бир продукт» бардык аймактарда ишке ашат

«Бир айыл-бир продукт» бардык аймактарда ишке ашат
13-Авг. 2018, Дүйшөмбү, 17:48

«Бир айыл – бир продукт» долбоору өлкөнүн бардык аймактарында ишке ашырылат. Бул тууралуу бүгүн, 13-августта өкмөттүн маалымат кызматынан кабарлашты.

Маалыматка ылайык, мындай билдирүүнү бүгүн премьер-министр Мухаммедкалый Абылгазиев Кыргыз Республикасынын туруктуу өнүктүрүү боюнча Улуттук кеңешинин 7-жыйынында билдирген.

Өкмөт башчы белгилегендей, гранттык жана жана техникалык жардамдарды аймактарга буруу абдан зарыл.

«Аймактарга Doing Business рейтингинин улуттук аналогун киргизүү иштерин баштоо, ошондой эле жергиликтүү өз алдынча башкаруу органдары тарабынан ар бир регион боюнча уруксат кагаздары, жер маселелери, инфратүзүмгө кошулуу жана жеңилдиктерди камтыган атайын инвестициялык лотторду даярдоо зарыл. Ошону менен бирге буга чейин өзүн жакшы көрсөтө алган “Бир айыл – бир продукт” долбоорун республиканын бүт аймактарына жайылтабыз», – деди премьер-министр.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!