Бажычылар ири өлчөмдөгү баңгизат кармашты

Бажычылар ири өлчөмдөгү баңгизат кармашты
17-Авг. 2018, Жума, 11:18

Мамлекеттик бажы кызматынын кызматкерлери 1200 кг “гашиш” баңгизатын кармашты. Бул тууралуу Бажы кызматынын басма сөз кызматы кабарлады.

“Баңгизаттарын мыйзамсыз айлантуу боюнча кылмыштарды алдын алууга жана кармоого багытталган ыкчам иш-чаранын жыйынтыгында Түштүк-Батыш бажысынын кызматкерлери мурда соттолгон КРдин жаранын спецификалык жыты бар кочкул жашыл зат менен кармашкан. Соттук-химиялык экспертизанын кортундусуна ылайык кармалган зат “гашиш” наркотикалык каражаты экени аныкталган. Кармалган баңгизатынын жалпы салмагы 1200 грамм”, - деп айтылат маалыматта.

Кармалган жаран ЕАЭБ өлкөлөрүнө баңгизаттарын жөнөтүү боюнча шектүү фигуранттын бири катары болгон.

Бул факты боюнча Жалал-Абад ИИБнын тергөө бөлүмү тарабынан Кыргыз Республикасынын Кылмыш Жаза Кодексинин 246-беренесинин 4-бөлүгү боюнча кылмыш иши козголду.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!