Шавкат Мирзиёев ​Кыргызстанга келет

Шавкат Мирзиёев ​Кыргызстанга келет
29-Авг. 2018, Шаршемби, 13:55

Өзбекстандын президенти Шавкат Мирзиёев Кыргызстанга жумушчу сапары менен келет. Бул тууралуу бүгүн, 29-августта Өзбекстандын Кыргызстандагы элчиси Комил Рашидов маалымат жыйынында билдирди.

Анын айтымына караганда, 3-cентябрда Ысык-Көл облусунун Чолпон-Ата шаарында өтө турган Түрк тилдүү мамлекеттердин кызматташтык кеңешинин мамлекет башчыларынын Саммитине Өзбекстандын мамлекет башчысы Шавкат Мирзиёев катышат.

"Мамлекет башчысынын III Дүйнөлүк көчмөндөр оюндарынын ачылыш аземине катышуусу боюнча маселес каралап жатат. Ал эми ДКОго келе турган өзбек делегациясын дене тарбия жана спорт министри баштап келет келүүсү күтүлүүдө. Бардыгы болуп Өзбекстандан 60 жакын спортчу жана этнофестивалга "Уйчи тонги" фольклордук тобу келиши күтүлүүдө",- дейт Рашидов.

Эскерте кетсек, буга чейин Үчүнчү Дүйнөлүк көчмөндөр оюндарынын ачылыш аземине Азербайжандын, Казакстандын, Түркиянын, Өзбекстандын мамлекет башчылары, ошондой эле Венгриянын Премьер-министри катышаары айтылган.


Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!