Абылгазиев Кырчын жайлоосунун даярдыгын текшерди

Абылгазиев Кырчын жайлоосунун даярдыгын текшерди
29-Авг. 2018, Шаршемби, 17:00

Премьер-министр Мухаммедкалый Абылгазиев бүгүн, 29-августта Ысык-Көл облусуна жумушчу сапарынын алкагында III Дүйнөлүк көчмөндөр оюндарына Кырчын жайлоосунун даярдыгын текшерди. Бул тууралуу өкмөттүн басма сөз кызматынан кабарлашты.

Өкмөт башчыга Дүйнөлүк көчмөндөр оюндарынын алкагындагы маданий иш-чараларды өткөрүүгө Кырчын жайлоосунун толук даярдыгы жана мурда берилген тапшырмалардын аткарылышы тууралуу маалымдалды.

Учурда жайлоодо этномаданий иш-чараларды өткөрүүгө бардык зарыл объектилер тургузулган, электр энергиясы, суу менен камсыздоо жана жарыктандырууну орнотуу иштери жүргүзүлгөн.

Премьер-министр меймандарды тосууга жана боз үй шаарчасын орнотуу менен иш-чараларды өткөрүүгө 31-августуа чейин толук даярдыкты камсыздоону тапшырды.

Өкмөт башчы Дүйнөлүк көчмөндөр оюндарынын учурунда бардык ыкчам штабдардын жөнгө салынган ишин камсыз кылуу үчүн уюштуруу маселелерин ыкчам жана деталдуу чечүү зарылдыгына өзгөчө көңүл бурду.

Андан соң Абылгазиев Балыкчы-Корумду унаа жолунун курулушунун жүрүшү менен таанышты.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!