Гимнди туура эмес аткарган депутат элден кечирим сурады (видео)

Гимнди туура эмес аткарган  депутат элден кечирим сурады (видео)
5-Сен. 2018, Шаршемби, 14:16

Жогорку Кеңештин депутаты Пархат Тулендыбаев Кыргыз Республикасынын Мамлекеттик гимнин туура эмес аткарып алгандыгы үчүн расмий түрдө кечирим сурады. Жогорку Кеңештин басма сөз кызматы тараткан маалыматта:

“Гимн – кыргыз элибиздин башкы мамлекеттик символдорунун бири. Анда биздин байыркы тарыхыбыз, эркиндикке болгон мүдөөбүз жана жаркын келечекке карай умтулуубуз туюнтулган. Гимнди эгемен өлкөбүздүн ар бир атуулу билүүгө милдеттүү. Журналисттердин суроолоруна жооп берип жатып, Гимнибизди жаңылыш аткарып алганым үчүн кыргыз элимден башымды ийип кечирим сурайм жана абдан өкүнгөнүмдү билдирем. Ошондой эле Гимнибизди мындан ары кынтыксыз аткарууга милдеттеме алам”, – деген Тулендыбаев.


Эскертке кетсек, 4-сентябрь күнү “Апрель” телеканалы эл өкүлү Пархат Тулендыбаевден гимнди аткарып берүүсүн суранганда, ал туура эмес ырдап көпчүлүктүн сынына кабылган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!