Илбирстин териси кимге таандык экени аныкталды (фото)

Илбирстин териси кимге таандык экени аныкталды (фото)
6-Сен. 2018, Бейшемби, 13:01

Мамэкотехинспекциянын инспекторлору Кырчын жайлоосундагы Кааба уулу Кожомкул балбандын боз-үй музейиндеги илинип турган илбирстин териси боюнча териштирүү иштерин жүргүзүшкөнүн “Zaman Kyrgyzstan” маалымат агенттигине кабарлады.

Териштирүүнүн жүрүшүндө илбирстин териси Суусамыр өрөөнүндөгү Кааба уулу Кожомкул балбандын музейине таандык экени белгилүү болгон. Музейдин кызматкеринин берген маалыматы боюнча, илбирстин териси музейдик экспонат катары саналып, тизмекке киргизилген. Себеби, Кааба уулу Кожомкул атындагы музей түзүлгөндө, балбандын колдонуп жүргөн буюмдары жана кийим-кечектери менен биргеликте аталган илбирстин териси дагы өткөрүлүп берилген. Текшерүүнүн жыйынтыгы менен Мамэкотехинспекциянын кызматкерлери тарабынан тийиштүү кагаздар толтурулуп, музей кызматкеринен түшүнүк кат алынды.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!