Бала бакчага электрондук кезек менен кабыл алуу башталды

Бала бакчага электрондук кезек менен кабыл алуу башталды
6-Сен. 2018, Бейшемби, 13:28

Ош шаарында бала бакчага электрондук кезек менен кабыл алуу башталды. Бул тууралуу Билим берүү жана илим министрлигинен кабарлашты.

Маалыматка ылайык, бала бакчага электрондук түрдө 1500 бала кезекке турган.

Белгилей кетсек, буга чейин электрондук кезек Бишкек шаарында киргизилип, бала бакчаларга 3,5 миң бала кабыл алынган. Жалпысынан 10 миң 264 арыз келген.

Эгер документтерде айрым катачылыктар кетсе кабыл алынбай турганын министрлик эскертет.

Кезекте бош орун бар болгондугу тууралуу маалымат ата-энелердин электрондук почтасына келет. Ошондой эле, http://balabakcha.edu.gov.kg сайтынан да кайсы катарга келгенин билүүгө болот.

Кезек келгенден кийин 15 иш күнү ичинде тийиштүү документтерди тапшыруу керек. Эгер тапшырбай калса орунун жоготуп алат. Мындай жол менен келген кезегин жоготуп алгандардын саны 706ны түзгөн.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!