ДКОнун жабылыш аземине атактуу ырчылар келет

ДКОнун жабылыш аземине атактуу ырчылар келет
7-Сен. 2018, Жума, 14:30

III Дүйнөлүк көчмөндөр оюндарынын жабылыш аземине чет элдик белгилүү ырчылар, музыкалык топтор келет. Бул тууралуу бүгүн, 7-сентябрда аталган оюндардын катчылыгынан кабарлашты.

Маалыматка ылайык, Рэй Хортон, Жо Томпсон, Наташа Райт, түркиялык ырчы Озода Нурсаидова, казакстандык Жанар Дугалова жана орусиялык рок-топ «Корни», румыниялык поп-топ «Akcent», германиялык «Чингиз Хан» тобу катышат. Ошондой эле жергиликтүү эстрада жылдыздары Мирбек Атабеков, Гүлнур Сатылганова жана башкалар ырдайт.

Көчмөндөр оюндары 2-сентябрда башталып, ага 82 өлкөдөн келген 2 миң 500гө жакын спортчу катышууда. Азыркы тапта жалпы медалдык эсепте 78 медалы менен Кыргызстан алдыда келе жатат.

Белгилей кетсек, III Дүйнөлүк көчмөндөр оюндарынын жабылыш аземи 8-сентябрда Чолпон-Атада борбордук ат майданында өтөт.


Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!