Премьер-министр жол кырсыгынан каза болду

Премьер-министр жол кырсыгынан каза болду
10-Сен. 2018, Дүйшөмбү, 09:29

Абхазиянын премьер-министри Геннадий Гагулия жол кырсыгынан улам, ооруканада каза болду. Бул тууралуу РИА Новости жазды.

Окуя 8-сентябрдан 9-сентябрга караган түнү болгон. Сириядан учуп келип Сочи аэропортунан Абхазияга бараткан өкмөттүк кортеж каршылаш келаткан машина менен сүзүшкөн.

Маалыматта "Өкмөт башчы бара жаткан унаа ВАЗ үлгүсүндөгү авто менен сүзүшүптүр. Бардыгы үч киши жабыркап, оорукага жеткирилген. Алардын ичинен Геннадий Гагулия көз жумду", - деп жазылат.

Гагулия өкмөттү 2018-жылдын апрель айынан бери жетектеп келаткан.

Абхазияда 12-сентябрды "аза күтүү" күнү деп жарыялашты.

Айта кетсек, Геннадий Гагулия жакында күндөрү Сирияга расмий сапары менен барып келген. Мындан улам, өлкөнүн президентинин маалымат кызматынан премьер-министрдин өлүмүн атайын кол салуу же террор эместигин айтып, "жөн гана кырсык" деп баа беришти.

Эскерте кетсек, Гагулия өкмөттү 2018-жылдын апрель айынан бери жетектеп келген. Бирок ал буга чейин 1995-1997 жана 2002-2003-жылдар аралыгында премьер-министр болгон.



Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!