Мэрия Фучик паркындагы жер тилкелерди кайтарып алды (фото)

Мэрия Фучик паркындагы жер тилкелерди  кайтарып алды (фото)
10-Сен. 2018, Дүйшөмбү, 11:09

2018-жылдын 3-июлундагы Ленин райондук сотунун №ГД – 620\18Б1 чечими менен Трудовая 4А дарегиндеги курулушу аяктай элек турак-жай эмес имарат жана Фучик паркындагы 1,33 га жер тилкесин сатуу-сатып алуу келишими жараксыз деп табылды. Бул тууралуу мэриянын басма сөз кызматы кабарлады.

Анда айтылгандай, келишим 1999-жылдын 9-июнунда №3273 реестринде катталган жана Фрунзе атындагы айыл чарба машине куруу заводунун Ликвидатору М. И Парышкур менен С. Эргешованын ортосунда түзүлгөн. Көрсөтүлгөн жер тилкеси парк аймагынын курамына кирет жана 2002-жылдын 20-августундагы “Кыргыз Республикасындагы тарыхый-маданий мурастар обңектилерин эсепке алуу, кайтаруу, калыбына келтирүү жана пайдалануу боюнча жобону бекитүү жөнүндө” КР Өкмөтүнүн №568 токтому менен бекитилген республикалык маанидеги тарыхый жана маданий эстеликтердин мамлекеттик тизмесине архитектуралык эстелик катары №100 катар номери менен киргизилген.

1998-жылдын 13-июнундагы Өкмөттүн токтомуна ылайык, тарыхый-маданий мурастардын объектилерин менчиктештирүүгө тыюу салынган.

Мындан сырткары, КР мыйзамынын «Тарыхый маданий мурастарды пайдалануу жана коргоо боюнча» беренесине ылайык – Кыргыз Республикасында тарыхтын жана маданияттын эстеликтери милдеттүү коргоого жана сакталууга алынат жана аларды пайдаланууда өзгөчө укуктук режимге ээ. Жер тилкесинин жеке колго өтүп кеткен убактысынан бери ал жер түрдүү калдыктардын стихиялык таштандысына айланып, территория таптакыр каралбай калган. Ленин райондук администрациясы территорияны санитардык тазалоого киришти, мындан ары ал жер жайлуу болуп жана жашылдандырылат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!