Москвадагы окуя боюнча айдоочу өзүнүн версиясын айтты (видео)

Москвадагы окуя боюнча айдоочу  өзүнүн версиясын айтты (видео)
11-Сен. 2018, Шейшемби, 13:58

“Фолсваген Поло” үлгүсүндөгү автоунаасы менен Кыргызстандын жарандарын сүзүп кеткен Бекжан Сарбишев окуя боюнча РЕН ТВ телеканалына өзүнүн версиясын айтып берди.

Анын айтымында, саат 3-4 чамасында балдар келип эмне болуп жатканын сураганда эжесинин туулган күнүн белгилеп жатканын айткан. Бирок, ортодо чыр-чатак жаралып тарап кетишкени менен саат 5тер чамасында аны ур-токмокко алышкан.


Маалымат катары айта кетсек, ИИМдин Өкүлчүлүгү Консулдук бөлүмүнүн кызматкерлери менен биргеликте окуя болгон жерге тез арада барышкан. Окуя болгон жерден укук коргоо органдары тарабынан болжол менен 5:59 чамасында “Фолсваген Поло” үлгүсүндөгү автоунааны башкаруусунда Кыргызстандын жарандарын сүзүп кеткен 1997-жылы туулган Бекжан Сарбишев кармалган. Ал өзүнүн иш-аракети менен 10 адамдын денесине ар кандай жаракаттарды келтирип, жабырлануучулар Москва шаарындагы медициналык мекемеге кайрылышкан. Андан сырткары 1997-жылы туулган Абдисамат уулу Амантур алган жаракаттарынын кесепетинен Москва шаарынын №68 клиникалык ооруканасынан каза болгон
Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!