«Оскар» соцжеленин айынан жаңы номинациядан баш тартты

«Оскар» соцжеленин айынан жаңы номинациядан баш тартты
7-Сен. 2018, Жума, 17:33

Американын киноматографиясынын өнөр жана илим академиясы жаңы «Оскар» номинациясын киргизүүдөн баш тартты. Мында эң белгилүү фильм же болбосо «Көрүнүктүү белгилүү фильм» номинациясы тууралуу сөз болууда.

“Америкалык киноматографисттер академиясынын өкүлдөрү сунушталган өзгөрүүлөргө көпчүлүктүн пикирине таянып жыйынтык чыгарды”,- деп жазат “The New York Times”.

Көптөгөн адамдар ушундай жаңылыкка каршы болгондуктан, сыйлыктын уюштуручулары өзгөртүү киргизүүнү убактылуу токтотушту.

"Күйөрмандар тарабынан келген көптөгөн комментарийлерге байланыштуу, жаңы сыйлыкты биздин кесиптештер менен кенен талкууга коюуну туура көрдүк", – деди Академиянын башчысы Дейон Хадсон.

Мындан сырткары Киноакадемиянын маалыматы боюнча, иш-чарага 9 ай калганда жаңы номиницияны киргизүү 2019-жылга пландалган фильмдер менен мурда чыккан фильмдердин арасында тең эмес абалды пайда кылат. Ошого байланыштуу жаңы номинацияны киргизүү убактылуу токтотулду жана бул маселе эмки жылы каралат.

Эскерте кетсек, америкалык киноматография академиясы блокбастерлер үчүн жаңы номинацияны киргизүү маселесин көтөрүп чыгышкан.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!