​Кызыл-Кыя шаарын суу каптады

​Кызыл-Кыя шаарын суу каптады
22-Май 2018, Шейшемби, 09:59

Баткен облусунун Кызыл-Кыя шаарында сел жүрдү. Бул тууралуу Өзгөчө кырдаалдар министрлиги билдирди.

Маалыматка караганда, 21-майдан 22-майга караган түнү жааган жамгырдын кесепетинен Кызыл-Кыя шаарындагы “Чыгыш-2” кичи районунда жайгашкан бир турак үйдүн ичине, төрт турак үйдүн короосуна жана Кулатов көчөсүндө жайгашкан беш кабаттуу эки үйдүн жер төлөсүнө, “Достук” көчөсүндөгү эки турак үйдүн короосуна суу кирген.

22-майда Жарандык коргонуу комиссиясы тарабынан кошумча тактоо иш-чаралары жана селдин кесепетин жоюу жумуштары жүргүзүлөт.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!