​Катуу жааган кардан канча мал кырылды?

​Катуу жааган кардан канча мал кырылды?
25-Май 2018, Жума, 12:50

Ысык-Көл облусунда жааган кардын кесепетинен 1 миң 300дөй баш мал кырылды. Бул тууралуу өкмөттүн Ысык-Көл облусундагы ыйгарым укуктуу өкүлчүлүгү билдирди.

Маалыматка караганда, Ысык-Көл районунда 1 миң 17 баш кой, 43 уй жана 19 жылкы өлгөн. Түп районунда 50 баш мал, Ак-Суу районунда 100 баш мал өлгөн.

Учурда өлгөн малдардын санын эсептөө уланууда. Келтирилген чыгымдын ордун толтуруу маселеси азырынча карала элек.

Мындан сырткары Өзгөчө кырдаалдар министрлигинин маалыматына ылайык Нарын облусуна караштуу Ат-Башы районунда калың жааган кардын кесепетинен, 200 кой кырылып калаган. Ошондой эле Нарын облусунда калың кардан дайынсыз жоголгон 800 баш кой-эчкинин 200ү табылып, калганы изделүүдө.

Эскерте кетсек, 23-майда Ысык-Көл, Нарын жана Чүй облустарында калың кар түшкөн.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!