​Беш жаран сууга чөгүп каза болду

​Беш жаран сууга чөгүп каза болду
9-Июль 2018, Дүйшөмбү, 16:46

Өткөн дем алыш күндөрү өлкө боюнча 5 адам сууга чөгүп каза болду. Бул тууралуу ӨКМнын маалымат кызматы билдирди.

Маалыматка караганда, 7-июлда Чүй облусуна караштуу Ысык-Ата районунун Ивановка айылындагы көлмөдө 16 жаштагы өспүрүм сууга чөгүп каза болгон. Ушул эле күнү Сокулук суусуна 58 жана 40 жаштагы аялдар чөгүп кетишкен. Куткаруучулар алардын сөөктөрүн 3 сааттан кийин таап, милицияга өткөрүп беришкен.

Ал эми 8-июлда Жалал-Абад облусуна караштуу Базар-Коргон районунун Кайырма көлүнө 24 жаштагы жигит чөгүп кетти. Баткен облусуна караштуу Кадамжай районундагы көлмөгө 47 жаштагы киши чөгүп кеткен.

7-июлда Бишкектеги Комсомол көлүнө 1999-жылы туулган кыз чөгүп, куткаруучулар анын өмүрүн сактап калышты.

Эскерте кетсек, жыл башынан бери сууга чөгүп каза болгондордун саны 75ке жеткен.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!