1,5 млн. сомдук аткезчилик товар кармалды

1,5 млн. сомдук аткезчилик товар кармалды
10-Июль 2018, Шейшемби, 15:57

Кыргызстан менен Казакстандын ортосундагы “Акжол” өткөрмө пунктунан тиешелүү документтери жок 119 аталыштагы автотетиктерди Кыргызстанга алып кирүүгө далалат кылган Казакстандын жараны кармалды. Бул тууралуу 10-июлда Бажы кызматы билдирди.

Маалыматка караганда “Акжол” өткөрүү пунктунун чек ара кезмети Казакстандын жаранына тиешелүү автоунааны кароо учурунда жүк салуучу жайынан автотетиктерди табышкан. Сурамжылоо учурунда кармалган товарды Карагандыдан Кыргызстанга алып бара жаткандыгын, бирок, жүккө карата документтеринин жок экендигин билдирген.

Ушул эле күнү аталган өткөрмө пунктунан 3 тонна желим күкүмүн тиешелүү документи жок Кыргызстанга алып кирүүгө далалат кылган Казакстандын башка жаранын кармашкан.

Бул товарлардын жалпы наркы 1,5 млн сомду түзгөн. Кармалгандар жүктөрү менен кошо Экономикалык кылмыштарга каршы күрөшүү кызматына өткөрүлүп берилди.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!