5 жашар кыздын жансыз денеси табылды

5 жашар кыздын жансыз денеси табылды
19-Июль 2018, Бейшемби, 17:26

Дайынсыз жоголгон 5 жашар кыздын жансыз денеси куткаруучулар тарабынан табылып, туугандарына өткөрүлүп берилди. Бул тууралуу ӨКМдин басма сөз кызматы кабарлады.

2018-жылдын 18-июль күнү саат 12:30 чамасында Сузак районун Кара-Алма айылынын Жолдош-Ата эс алуучу жайында 2013-жылы туулган А.Х. аттуу кыз ойноп жаткан жеринен дайынсыз жоголгондугу тууралуу маалымат түшкөн. Божомол боюнча дайынсыз болуп жаткан кыз Кара-Алма суусуна тушүп кеткен.

18-июль күнү издөө иштерине Сузак райондук ӨКБнүн башчысы полковник А. Карабековдун жетекчилигинде куткаруу топ чыгышып,туугандары менен биргеликте издөө иштери аткарылган. Жыйынтык чыккан эмес. 19-июль саат 06:00дө издөө иштери улантылып, ага жалпысынан 23 адам тартылган. Натыйжада 19-июль күнү саат 11:30 чамасында 2013-ж.т. А.Х. жансыз денеси болжол менен өзү жоголгон жерден Кара-Алма суусун бойлой 500 метр ылдый тараптан куткаруучулар тарабынан табылып, туугандарына өткөрүлүп берилди.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!