​Террордук топтун мүчөсү кармалды

​Террордук топтун мүчөсү кармалды
25-Июль 2018, Шаршемби, 13:56

Эл аралык террордук топтун мүчөсү кармалды. Бул тууралуу Улуттук коопсуздук мамлекеттик комитетинин (УКМК) маалымат кызматы билдирди

Маалыматка караганда, 19-июлда УКМКнын эл аралык террористтик уюмдардын иш-аракеттерине бөгөт коюу жана аныктоо боюнча өткөрүлгөн контртеррористтик иш-чаралардын алкагында бир жаран кармалган. Колго түшкөн адам 2016-жылы Сириядагы куралдуу чыр-чатак орун алган аймакта согуштук иш-аракеттерге катышканы далилденген. Ага 2017-жылы террордук уюмдун жетекчилеринин көрсөтмөсү менен Кыргызстанга кирип келип, Сириядагы согушка катышкандардын арасынан террордук топ түзмөк. Андан соң ал колго жасалган жарылуучу түзүлүш жана ок атуучу курал аркылуу өлкөдө “куралдуу жихад” уюштурмак

Ага карата кылмыш иши козголуп, убактылуу кармоочу жайга киргизилди. Учурда тергөө иштери уланууда.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!