Психикалык жактан оорулуу адам айдоочулук күбөлүк алган

Психикалык жактан оорулуу адам айдоочулук күбөлүк алган
26-Июль 2018, Бейшемби, 11:22

Финансы полициясы психикалык жактан ооруган адамга мыйзамсыз айдоочулук күбөлүк берип салган фактыны аныктады.

Маалым болгондой, Кызыл-Тоо айылынын “М.Т” аттуу тургуну “акыл-эси жетишсиз” деп диспансердик каттоодо турганына карабастан врач-психиатр "дени сак" деген маалымкат берип, анын негизинде Чоң Алайдагы кесиптик лицейден "слесарь жана ВС категориясындагы айдоочу" кесибин аяктап, Каттоо кызматынан күбөлүктү ийгиликтүү алган.

24-июлда Финансы полициясы чогулткан материалдардын негизинде Чоң-Алай районунун прокуратурасы Кылмыш кодексинин 304-“кызмат абалынан кыянаттык менен пайдалануу” жана 350- “документтерди жасалмалоо” беренелеринин негизинде иш козгоду.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!