Баткенде шагыл аралаш сел жүрдү (фото)

Баткенде шагыл аралаш  сел жүрдү (фото)
3-Авг. 2018, Жума, 14:49

Баткен облусунда жаап өткөн жаандын кесепетинен турак үйдүн короолорун жана ички чарбалык арыктар шагыл аралаш сел каптады. Бул тууралуу ӨКМдин басма сөз кызматы кабарлады

Анда айтылгандай, Кадамжай районунун Көтөрмө айыл аймагында 2-август күнү саат 11:20 чамасында жаап өткөн жаандын кесепетинен Кара-Шоро айылында жайгашкан 7 турак үйдүн короолоруна шагыл аралаш сел кирген. Турак үйлөргө эч кандай зыян келтирилген эмес. Ошондой эле, ички чарбалык унаа жолдун 200 метр аралыгын, 150 метр ички чарбалык арыктар жана 150 метр ички чарбалык канал кум шагылдарга толгон.

Кырсыктын кесепеттерин жоюуга райондук Жарандык коргонуу комиссиясы, 1 жүктөгүч жана жергиликтүү тургундардан 20 адам тартылган.
Натыйжада 3 турак үйдүн короосу, 150 метр ички чарбалык арыктар жана 150 метр ички чарбалык канал кум шагылдардан толугу менен тазаланган. Тазалоо иш чаралары бүгүн, 3-август күнү улантылат.

Тегдер:
Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!