Дүйнөдөгү эң чайкор элдер

Дүйнөдөгү эң чайкор элдер
8-Сен. 2018, Ишемби, 11:36

“Euromonitor International” жүргүзгөн изилдөөлөргө карап көрсөк дүйнөдөгү эң көп чай ичкен элдин башында Өзбекстан турат.

Басылманын маалыматы боюнча, Өзбекстандын калкынын басымдуу бөлүгү чай ичишет экен. Изилдөөдө өзбек элинин 99,6 пайызы чайсыз жүрө албарын көрсөтүп турат. Ал эми экинчи орунда Гватемала өлкөсүнүн калкынын 99,6 пайызы тескерисинче кофени жакшы көрүп ичишери маалым болду. Дүйнөлүк изилдөө уюму жер жүзүндөгү адамдардан «Сиз чайды жакшы көрөсүзбү же кофениби?» деген сурам-жылоо жүргүзүү аркылуу аныктаган.

Ушул сурам-жылоонун аркасында чайкор элдер да, кофе сүйүүчүлөрү да аныкталган. Чай көп ичкендердин тизмесин Өзбекстан баштаса, андан кийинки катарларда Кения (99,2%), Азербайджан (99,1%), Пакистан (99%), Кытай (98,9%) жана Египет (98,5%) элдери жайгашкан. Ал эми кофе ичкендердин алдынкы сабында Гватемаладан кейин Доминикан Республикасы (99%), Бразилия, Эквадор (97,4%), Греция (96,8%) жана Дания (92,2%) турат.

Улуу Британия менен Россияда чайды жакшы көргөндөрдүн саны 77,5 пайызды түзөт. Ал эми Эстония менен Польшада кофе менен чайды сүйүүчүлөрдүн саны бирдей. Булар болжол менен 49 пайыз менен 51 пайыз чамасында.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!