​ЖКнын кезектеги сессиясы өз ишин аяктады

​ЖКнын кезектеги сессиясы өз ишин аяктады
29-Июнь 2018, Жума, 11:04

28-июнда өткөн жыйыны менен VI чакырылыштагы Жогорку Кеӊештин IV сессиясы өз ишин аяктады. Бул тууралуу спикер Дастанбек Жумабеков жыйындын жүрүшүндө билдирди.

ЖКнын төрагасы депутаттар сессия мезгилинде кыйла алгылыктуу иштөө менен, өлкөнүн мыйзамдык базасын чыӊдоого жана өркүндөтүү максатында иштелип чыккан бир катар өтө маанилүү мыйзамдар, токтомдор, чечимдер кабыл алынганын, өлкө экономикасын көтөрүүгө жана калк турмушун жакшыртууга багытталган көптөгөн орчундуу иш-чараларга өткөрүлгөнүн баса белгиледи.

ЖКнын Регламентине ылайык парламент депутаттары 1-июлдан тарта өлкө аймагындагы шайлоочулар менен жеринде иш алпарышат. Ал эми август айында эмгек өргүүсүндө болушмакчы.

Ал эми ЖКнын келерки сессиясы, мыйзам талабына ылайык, сентябрь айынын алгачкы жумушчу күнүндө өз ишин баштайт.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!