Жогорку Кеңештин делегациясы Бельгияга барды (фото)

Жогорку Кеңештин делегациясы Бельгияга барды (фото)
17-Июль 2018, Шейшемби, 13:17

Эл аралык иштер, коргоо жана коопсуздук боюнча комитетинин жетекчиси И.Пирматов башында турган Жогорку Кенештин депутаттары К.Иманалиев, Д.Исаева, Б.Сулейманов жана Бельгия Королдугундагы Элчиси А.Исаев парламент арасындагы дипломатияны өнүктүрүүнүн алкагында Бельгиянын Брюссель шаарына иш сапар менен барышты. Бул тууралуу Тышкы иштер министринин басма сөз кызматы маалымдады.

Иш сапардын жүрүшүндө Сенат жана Бельгиянын Федералдык Палатасынын, Бельгиянын, Фландриянын Регионалдуу Парламенти, Европа Парламенти, Европа Тышкы Иштер Кызматы жана НАТО өкулдөрү менен бир топ жолугушуулар өттү.

Андан тышкары, Кыргыз Республикасынын делегациясы Фландриянын Парламентинин Президенти Я.Пуманс, Тышкы иштер Министирлигинин башкармалыгы жана Бельгиянын Генералдык Штабынын башкармалыгы менен КР жана Бельгия ортосундагы эки тараптык кызматташтыктын өнүгүүсү жана артыкчылыктуу багыттары боюнча жолугушуу өткөрдү.

Европалык парламенттин эл аралык иштер боюнча комитетинин өкүлдөрү менен болгон жолугушууда, тараптар КР-ЕБ ортосундагы парламент арасындагы мамилелерин, ЕБ нин Орто Азия боюнча, Орто Азия региондору Кыргызстан менен бирге, процедуралык суроолор боюнча резолюцияларды кабыл алуу, эл аралык келишимдерди ратификациялоо, сүйлөшүүлөрдү жаны келишим боюнча мониторинг жасоону өнүктүрүү боюнча суроолору талкууланды.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!