Ош шаарына жаңы мэр шайланды

Ош шаарына жаңы мэр шайланды
18-Июль 2018, Шаршемби, 11:16

Ордолуу Ош шаарынын мэрлик кызматына жалгыз талапкер Таалайбек Сарыбашев шайланды. Аны шаардык кеңештин 45 депутаты колдоп, бирөө каршы добуш берди.

Мурдагы мэр Айтмамат Кадырбаев Өмөттүн буйругу менен Отун-энергетикалык комплексти жөнгө салуу боюнча мамлекеттик агенттигине төраганын орун басары болуп дайындалган. Ага байланыштуу кызматын тапшырган.

Таалайбек Сарыбашев өзүнүн программасы менен тааныштырып жатып Кадр маселеси боюнча өзүңүздөр билесиздер. Мамлекеттик, муниципалдык кызматтар жөнүндө мыйзамда конкурстун негизинде болот. Мен мэр катары ошол конкурстарды таза, ачык-айкын тест түрүндө өткөргөндөн кийин бизде аңгемелешүү болот. Ушуларга жакшы көңүл бурабыз. Иштей турган, келечекте элге, мамлекетке, Ош шаарына кызмат кылам деген дээринде бар илимдүү, билимдүү балдарды тартканга аракет кылабыз”. - деди ал.

47 жаштагы Сарыбашев 2012-2015-жылы Алай райондук администрациясынын башчысы, 2015- жылы Өкмөттүн Ош облусу боюнча ыйгарым укуктуу өкүлү болуп иштеген.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!