Биргелешкен келишимдерге кол коюлду

Назгүл Бостонбаева

Президент Сооронбай Жээнбеков Казакстанга жасаган расмий сапарынын жыйынтыгы боюнча биргелешкен документтерге кол коюу аземи өткөрүлдү.

Мамлекет башчынын маалымат кызматы билдиргендей, эки өлкөнүн мамлекет башчылары Кыргызстан менен Казакстандын ортосунда кыргыз-казак мамлекеттик чек арасын демаркациялоо жөнүндө келишимге кол коюшту.

Ошондой эле президент Жээнбековдун Казакстанга жасаган расмий иш сапарынын жыйынтыгы боюнча эки өлкөнүн өкмөттөрү ортосунда кыргыз-казак мамлекеттик чек арасындагы режим жөнүндө макулдашууга дагы кол коюлду.

Белгилей кетсек, Сооронбай Жээнбеков президент катары биринчи жолу Казакстанга расмий визит менен барды.