​Лионель Месси уулдуу болду

Мирбек Кумаков

Аргентиналык футболчу ,"Барселона" клубунун чабуулчусу Лионель Месси үчүнчү уулдуу болду. Бул тууралуу “РИА Новости” кабарлады. Маалыматка ылайык кечээ күнү атактуу футболчунун жубайы Антонелла Рокуццо аман-эсен көз жарып, уулунун атын Чиро коюшту. Үй бүлөдөгү чоң кубанычтын утурлап Лионель Месси кезектеги Испания чемпионатынын “Малага” – “Барселона” беттешүүсүнө катышкан жок.

Ал эми Антонелла Рокуццобоюнда бар экендигин 2017-жылы октябрь айында эле интернет баракчасына жарыялап: “Беш кишилик үй-бүлө” деп жазып койгон.

Эсиңиздерге сала кетсек, Европа чемпионатынын эң мыкты футболчуларына бериле турган "Алтын бутса" сыйлыгы "Барселона" чабуулчусу Лионелю Мессиге тапшырылган. Аргентиналык атактуу футболчу 2016-17-жылдар ичинде 54 гол киргизип, алдыга чыккан. Лионель Месси мындай сыйлыкка төртүнчү ирет татыктуу болуп отурат. Мурда ал 2010, 2012 жана 2013-жылдары татыктуу болгон. Мындай төрт жолу сыйлыкты "Реалдын" Криштиану Роналду да алган.