​Роналду телеканалды сотко берет

​Роналду телеканалды сотко берет
5-Сен. 2018, Шаршемби, 11:32

Италиянын “Ювентус” клубунун чабуулчусу Криштиану Роналду "Mediaset" телекомпаниясын сүйүктүүсү Джорджине Родригес тууралуу ызы-чуулу репортажы үчүн сотко бергени жатат. Бул тууралуу AS басылмасы жазып чыкты.

Маалыматка ылайык "Mediaset" телекомпаниясы Джорджине Родригес тууралуу сюжет даярдап, эфирге чыгарган. Анда Джорджине Родригес португалиялык футболчу менен мамиледе болгондон бери үй-бүлөсүн унуткандыгы айтылган. Репортажда Родригес энеси-атасы ордуна багып өстүргөн 82 жаштагы чоң энесин карабайт. Аргентинада жашаган чоң энеси инсульт болуп ооруп жатканы көрсөтүлгөн.

Бул сюжет португалиялык футболчу Криштиану Роналдуну абдан капа кылган. Футболчу өзүнүн жактоочулары аркылуу сотко берээрин айтып,телекомпанияга кат жөнөткөн.

Ал эми "Mediaset" телекомпаниясы мындан ары Джорджине Родригес жана анын үй-бүлөсү тууралуу матералдарды чыгарбоону чечкен.

Эсиңиздерге сала кетсек, Роналду жана Родригестин бир кызы бар. Эва Мария былтыркы жылы ноябрь айында төрөлгөн.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!