​Хабиб АКШда текшерүүдөн өттү

​Хабиб АКШда текшерүүдөн өттү
6-Сен. 2018, Бейшемби, 10:35

Жеңил салмактагы UFCнын орусиялык чемпиону Хабиб Нурмагомедов АКШда допинг боюнча текшерүүдөн өттү. Орусиялык мушкер АКШнын допингге каршы агентчилиги (USADA) мурдагы ирландиялык чемпион Конор МакГрегор менен мелдешке байланыштуу текшерип жаткандыгын билдиргенин орусиянын ЖМК жазып чыкты. Маалыматка ылайык соңку текшерүү таңкы 7де Хабибдин үйүнө капыстан келип тест алышкан.

Нурмагомедов “Мени таңкы 7де үйүмө капыстан келишти. Дароо тест тапшырдым. Терс жыйынтык чыкты” деп Инстаграмм баракчасына билдирген. Учурда мушкер Америкада машыгып жатат. Мушкерди былтыркы жылы 13 жолу допинг тестинен өткөн.

Жеңил салмактагы UFCнын орусиялык чемпиону Хабиб Нурмагомедов мурдагы ирландиялык чемпион Конор МакГрегор менен туптуура бир айдан кийин 6-октябрда Лас-Вегас шаарында мелдешке чыгат.

Орусиялык мушкер Хабиб Нурмагомедов UFCнын эң күчтүү балбандарынын бири. 70 кг чейинки жеңил салмакта күрөшөт. Орусиялык балбандын рекорду 26 мушташта баардыгын жеңүү менен жыйынтыкталган.

Ал эми Макгрегор эрежесиз урушта 24 беттештин 21ин жеңип, үчөөндө жеңилген. Ал UFC уюмунда эки салмак категориясында чемпион аталган жалгыз мушкер болуп эсептелет.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!