​Мейвезер менен Макгрегор кайрадан рингге чыгат

​Мейвезер менен Макгрегор кайрадан рингге чыгат
6-Сен. 2018, Бейшемби, 15:42

Бокс боюнча дүйнөнүн мурдагы чемпиону Флойд Мейвезер (АКШ) менен UFCнын мурдагы ирландиялык чемпиону Конор Макгрегордун кайрадан рингге чыгат.Бул тууралуу мушкердин менеджери Флойд Мейвезер улуусу айтып чыккандыгын батыштын ЖМК жар салды.

Былтыркы жылы Мейвезер менен Макгрегор бокс эрежеси боюнча таймашка чыккан. Анда 10-раундда Мейвезер техникалык нокаут менен жеңишке жетишкен. Макгрегор ошондон бери рингге чыга элек.

Флойд Мейвезер улуусу “Менин уулум кайрадан рингге чыгууга даяр. Ал кайрадан бокс эрежеси боюнча таймашка чыгат. Ал жеңишке жетишип, андан кийин гана бул спорт менен коштошот”,- деп айткан.

Учурда мурдагы ирландиялык чемпион Конор Макгрегор 6-октябрда Лас-Вегас шаарында жеңил салмактагы UFCнын орусиялык чемпиону Хабиб Нурмагомедов менен мелдешке чыгууга даярданып жатат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!