Валентина Шевченко беттешке чыкпай калды

Валентина Шевченко беттешке чыкпай калды
8-Сен. 2018, Ишемби, 12:22

UFC боюнча кыргызстандык мушкер Валентина Шевченко менен америкалык Никко Монтанонун беттеши өтпөй калды. Бул туурасында MMA Fighting порталы жазды.

Эске сала кетсек, эки спортчунун таймашы 2018-жылдын, 9-сентябрында болмок.

”Жума күнү, 7-сентябрда эртең менен UFC чемпиону Монтаньонун бөйрөгү ооруп, ооруканага жеткирилген. Андан улам, Шевченко менен Монтаньонун пландалган беттеши болбой калды ”,-деп айтылат маалыматта.

Белгилей кетсек, эки спортчу 6-сентябрда Даллас шаарында беттеш алдындагы маалымат жыйынын өткөрүшкөн.

Шевченко буга чейин 56 килограммга чейинки салмак категориясына өтүп, алгачкы беттешинде Присцилла Качоэйраны утуп алган.

Эске салсак, Шевченко 61 килограммга чейинки салмак ченинде 5 беттеш өткөрүп, 3 жолу жеңишке жетсе, 2 беттеште мушкер Аманда Нуньеске жеңилген.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!