​Макгрегор UFC менен 8 жаңы келишим түздү

​Макгрегор UFC менен 8 жаңы келишим түздү
22-Сен. 2018, Ишемби, 11:10

Жеңил салмактагы UFCнын мурдагы чемпиону Конор Макгрегор Мушкерлердин абсолюттук чемпионат (UFC) спорттук уюму менен 8 жаңы кешимим түздү. Бул тууралуу ESPN спорт каналы жар салды. Маалыматка ылайык сегиз келишимдин шарттары тууралуу айтылбаса дагы UFC президенти Дэйна Уайт ММА тарыхындагы эң ири келишим болгондугун билдирди.

UFC президенти Дэйна Уайт “Конор Макгрегор менен келишим түзүү жеңил болду себеби анын татыктуу экендигин билебиз” деп айткан.

Конордун биринчи мелдеши жеңил салмактагы UFCнын орусиялык чемпиону Хабиб Нурмагомедов менен 6-октябрда Лас-Вегас шаарында болот. Анда эки мушкер UFCнын жеңил салмактагы чемпиондук үчүн ат салышмакчы.

Орусиялык мушкер Хабиб Нурмагомедов UFCнын эң күчтүү балбандарынын бири. 70 кг чейинки жеңил салмакта күрөшөт. Орусиялык балбандын рекорду 26 мушташта баардыгын жеңүү менен жыйынтыкталган.

Ал эми Макгрегор эрежесиз урушта 24 беттештин 21ин жеңип, үчөөндө жеңилген. Ал UFC уюмунда эки салмак категориясында чемпион аталган жалгыз мушкер болуп эсептелет.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!