Касторка майы сулуулук үчүн

A

A

Кээ бир кымбат баалуу косметикалык каражаттарга салыштырмалуу пайдасы жана натыйжалуулугу менен кем калышпаган майлардын бири касторка болуп эсептелет. Аны кадимки эле дарыканалардан сатып ала аласыз.

• Терини серпилгич абалга жеткирүү үчүн жуунаардан мурун 15 мүнөт алдында касторка майы менен денени бүт сүртүп чыгыңыз. Андан кийин кадимкидей эле жууна бересиз.
• Согончоктун катуу катмарын жумшартып, андан арылуу үчүн 10 күн бою уктаардын алдында 1 чай кашык касторкага 1 чай кашык глицерин кошуп согончокко сүртүп, пахтадан жасалган байпак кийип жатыңыз. Эки күндө бир жолу бутуңузга жылу ванна жасап туруңуз. 10 күндүн аралыгында согончоктун жагымсыз катуу катмарынан кутуласыз.
• Суук аба ырайында айрыкча эриндер жабыркоого көп учурайт. Андыктан күн сайын кечинде уктаар алдында эриндерге сүртүп жатуу керек.
• Каш менен кирпикти дагы абдан жакшы өстүрөт. Андыктан уктаар алдында каш-кирпикке да сүйкөп жатыңыз.
• Целлюлиттен арылуу үчүн аптасына бир жолу 4 аш кашык касторка майына лаванда эфир майын бирдей өлчөмдө аралаштырып көйгөйлүү жерлерди сүртүп, жарым саатка жылуу кийим кийе туруңуз. Андан кийин жуунасыз.

♦ Денедеги ашыкча түктөрдөн арылуу үчүн дагы ар дайым айым жуунаардын алдында касторка майы менен сүртүп жүрсөңүз, 2-3 айда жоголот.

♦ Жеңил жаракат, күйүктүн тактарына да сүйкөп жүрсө, убакыт өтүп ал тактар жоголот.

Ден соолук үчүн:

♦ Ич катыган учурда 1 чаш кашык касторканы жылуу суу менен ичип алсаңыз, ичти жумшартат.

♦ Катуу жөтөлдө уктаардан алдың көкүрөк жана аркага скипидар менен касторканы бир чай кашыктан алып аралаштырып, жылытып сүйкөсө болот.

Тегдер: касторка майы косметикалык каражат Согончок сулуулук Терини серпилгич кылат
Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!