Алайдагы жол кырсыктан үч бир тууган көз жумду
Алайдагы жол кырсыгынан үч адам каза болду. Бул тууралуу Ош облусунун ички иштер башкармалыгынын басма сөз кызматы билдирди.
Маалыматка ылайык, жол кырсыгы Ош-Иркештам унаа жолунун 54-чакырымында, Алай районунун Талдык айылында катталган. Анда “Лексус ЛХ-470” үлгүсүндөгү унаанын айдоочусу рулду башкара албай, натыйжада унаа ала салып кеткен. Кырсыктын кесептеинен каза болгондор Ош шаарынын тургундары жана бир туугандар болушкан.
Каза болгондор:
Ош шаарында 1966-жылы туулган Тяншанбек Марифов Ош шаардык жерге жайгаштыруу жана кыймылсыз мүлккө укуктарды каттоо башкармалыгынын жетекчиси болуп эмгектенчү;
Ушул эле шаарда 1968-жылы туулган Арабидин Марифов;
Жогоруда аталган 1969-жылы туулган Шарабидин Марифов Мамлекеттик бажы кызматынын "Түндүк" ыкчам бажысынын башчысынын орун басары болуп эмгектенип келген.
Учурда бардык керектүү экспертизалар жасалууда.