Бир үй-бүлөдөгү 10 адам асылып турган жеринен табылды

Бир үй-бүлөдөгү 10 адам асылып турган жеринен табылды
3-Июль 2018, Шейшемби, 16:39

Жүрөктүн үшүн алган окуя Индиянын борбор шаары Делиде болгон. Анда 11 адамдан турган үй-бүлө мөчөлөрү асылып турган жерден табылды. Болгону бир гана аял жерде жаткан. Алардын оозу менен көзү таңылып, колдору артка байланган. Бул тууралуу “bbc.com” маалымат булагы билдирет.

Бул коркунучтуу окуяга эмне себеп болгону белгисиз. Полиция кызматкерлери үй-бүлө мүчөлөрү оккультизм менен алектенген болушу мүмкүн деген божомол айтышууда.

Оккультизм – илимий изилдөөгө жатпаган укмуштар менен бөтөн күчтөрдүн бар экенин моюнга алган жана алар менен өз ара иш-аракеттерди жасаган илим.

Үй ичинен оккультизмдин тажрыйбасын көрсөткөн далил заттар табылган. Бул алардын өлүмүнө себеп болушу мүмкүн. Азыр видео камераларды текшерип, коңшулардан сурак алынууда.

Полиция кызматкерлери эмне себеп болгонун так айта албай жатышат. Бул окуядан бир аз убакыт мурун эки кылмыштык топ атышып, үч адам көз жумган. Бирок полиция ал окуянын катыштыгы жок деп жатат.

Бул үй-бүлө Делиге Раджатхандан 20 жыл мурун көчүп келген. Алардын 3 кабат үйдүн биринчи кабатында дүкөнү болгон. Алардын денесин эртең менен сүт алганы чыккан кошунасы көргөн.

Каза болгондор эки ага-ини бир-туугандар жана алардын аялдары менен балдары асылып, 75 жаштагы кемпир жерде жаткан. Кошуналары аларды жакшы адамдар болгонун айтып эскеришет.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!