Таза суу кризиси: 18 миң адам ооруканага жатты

Таза суу кризиси: 18 миң адам ооруканага жатты
30-Авг. 2018, Бейшемби, 11:34

Ирак парламентинин Адам укуктары комитетинин билдирүүсүнө ылайык булганыч суунун айынан 18 миң адам ооруканага жатты. Комитет өткөргөн жыйындардын жыйынтыгы менен даярдалган билдирүүдө “Басрада атайын химия лабораториялары жок. Андан улам өкмөткө байланыштуу саламаттык мекемелери суунун тазалыгын тактай алган жок”,-деп жазылган.

“Суунун булганычы 18 миң кишиде ич оору, жүрөк айлануу сыяктуу түрдүү тынчсызданууларга себеп болду”,-деп жазылган. Комитеттин министри Акил эль-Мусевинин лидерлигиндеги делегациянын мындай абалга кабылган аймактын тургундары менен жолугушканы кошумчаланган.

Басрадагы суу сактаган жайлардын чакандыгы, кароосуз экени, шаардагы көйгөйдү чече алгыдай абалга баа берүү талабы коюлган.

Билдирүүдө эки апта ичинде ичүүчү сууга байланыштуу оорулар жайылышы мүмкүн экени, көйгөй чечилбесе холлера оорусуна айланары эскертилди.

Ирактык 25 депутат 26-августтагы билдирүүсүндө ичүүчү суу боюнча Басра шаарында болгон көйгөйлөр чечилбесе жаңы өкмөт үчүн өтө турган добуш берүүгө катышпай тургандарын билдиришти.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!