Иосиф Кобзон дүйнөдөн кайтты

Иосиф Кобзон дүйнөдөн кайтты
30-Авг. 2018, Бейшемби, 16:57

СССРдин эл артисти, Мамлекеттик Думанын депутаты Иосиф Кобзон дүйнөдөн кайтканын 30-августа артисттин туугандары “Говорит Москва” радиостанциясына кабарлаган. Ал 80 жашта болчу.

27-июлда ырчы кошумча түзүм менен дем алдырылып жатканын, анын алдында Москвадагы Нейрохирургиялык ооруканалардын биринде кайра жандандыруу бөлүмүнө которулганы кабарланган. Абалы оор экени айтылып жаткан.

Ошол эле күнү Кобзондун маалымат катчысы Варвара Виноградова ырчы ооруканада пландуу дарылануу үчүн жаткырылыганын билдирген. Ушундай эле маалыматты ырчынын жубайы Нинель Кобзон кошумчалаган.

Иосиф Давыдович 13 жылдан бери рак дарты менен күрөшүп келген. Бул туурасында ачык айтуудан тартынган эмес.

Кобзон 1937-жылы 11-сентябрда Украинанын Донецкой областындагы Часов Яр шаарында төрөлгөн. Ал бала чагынан ырдап баштаган. Тогуз жашында Кремлде ЦК ВКПнын башкы катчысы Иосиф Сталиндин алдында ырдаган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!