Маркум журналист Улан Эгизбаев "Эрдик" медалы менен сыйланды

Маркум журналист Улан Эгизбаев
30-Авг. 2018, Бейшемби, 13:23

Президент Сооронбай Жээнбеков «Эгизбаев Уланбек Токтосуновичти (каза болгондон кийин) „Эрдик“ медалы менен сыйлоо» жөнүндө жарлыкка кол койду. Бул тууралуу президенттик аппараттан маалымдады.

“Кыргызстанда коррупцияга каршы күрөшүү боюнча мамлекеттик саясатты жүргүзүүгө олуттуу колдоо көрсөткөндүгү, мамлекеттүүлүктү бекемдөөгө кошкон орчундуу салымы жана активдүү жарандык позициясы үчүн «Азаттык Медиа» мекемесинин журналисти Эгизбаев Уланбек Токтосунович (каза болгондон кийин) «Эрдик» медалы менен сыйланды”, - деп билдиришти аппараттан.

Улан Эгизбаевдин өлүмүнө байланыштуу “Акун” пансионатынын администрациясына жана куткаруучуларга кылмыш иши козголгонун ИИМдин тергөө кызматынын башчысынын орун басары Нурлан Утемисов билдирген.

- Улан Эгизбаевдин өлүмү боюнча атайын тергөө тобу түзүлгөн. Абдан көп иш аракеттер, тергөө амалдары жүргүзүлдү. Андан тышкары соттук медициналык корутундуну алганбыз. Улан Эгизбаевдин өлүмүнүн себеби “сууга чөгүү” деп аныкталган. Бүгүн Пансионаттын администрациясынын жана куткаруучулардын үстүнөн Кыргыз Республикасынын Кылмыш - жаза кодексинин 258-беренеси (“Коопсуздук талаптарына жооп бербеген товарларды чыгаруу же сатуу, иштерди аткаруу же кызмат көрсөтүү”) менен кылмыш иши козголду. Кылмыш иши тергелип бүткөндөн кийин аларга юридикалык баа берилет.

Ошондой эле ИИМдин басма сөз кызматынын башчысы Бакыт Сеитов: “Экспертизанын жыйынтыгы чыкты. Ошонун негизинде материалдардын баары тергөө тобуна берилген. Алар дагы карап туруп кылмыш иши козголду. Эгерде коопсуздук эрежелери сакталганда балким мындай иштер болгон эмес. Тергөөнүн жүрүшүндө үч куткаруучу болгону аныкталды, алардын экөөсү эс алып жатса бирөө күзөттө турмак. Ал дагы кетип калган. Кийин чалгандан кийин төрт мүнөттөн кийин келген”, - деп кошумчалады ал.

Экспертиза Улан Эгизбаевдин бутундагы тактар анын өлүмүнөн кийин пайда болгонун жана ашказанын текшергенде уулу заттар табылбаганын билдирди.

Белгилей кетчү жагдай, коомчулукта “Улан Эгизбаев көлгө чөгүп каза болду” дегенге ишенбегендер арбын.

Курч иликтөөлөрдү жасаган журналист Уланбек Эгизбаев 1990-жылы 12-февралда Нарын облусуна караштуу Кочкор районунун Көк-Жар айылында туулган.

Ал 2013-жылы Кыргыз-түрк «Манас» университетинин коммуникация факультетин аяктаган. 2015-жылы БГУда саясат таануу багыты боюнча магистратураны бүтүргөн. Улан Эгизбаев болгону 28 жашта эле. Артында ата-энеси, кош бойлуу жубайы калды.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР
Коррупцияга каршы күрөшүү кызматынын жалган кызматкери кармалды
Коррупцияга каршы күрөшүү кызматынын жалган кызматкери кармалды
Европага визалар кымбаттады
Европага визалар кымбаттады
Жээнбеков:
Жээнбеков: "Ар бир район борборунда 3 км жолго асфальт төшөлөт"
Путиндин кабылан кармаганын жазгандар сыйлык алды
Путиндин кабылан кармаганын жазгандар сыйлык алды
Богокко таасир эткен тамак-аштар?
Богокко таасир эткен тамак-аштар?
Үйлөнгөндөн кийин эркектер эмнеге салмак кошот?
Үйлөнгөндөн кийин эркектер эмнеге салмак кошот?
Баңгизатты мыйзамсыз ташуу маселеси талкууланды
Баңгизатты мыйзамсыз ташуу маселеси талкууланды
Айзада Тыныбекова:
Айзада Тыныбекова: "Инстаграммдан көп акча табууга болот"
Сурабалдиева: Силер эмне уктап жатасыңар?
Сурабалдиева: Силер эмне уктап жатасыңар?
Кара-Сууда 2 жеңил унаа кагышып, 4 адам жаракат алды
Кара-Сууда 2 жеңил унаа кагышып, 4 адам жаракат алды
Муздуу сууда сүзгөндөр бактылуубу? (видео)
Муздуу сууда сүзгөндөр бактылуубу? (видео)
Жаңы конуштардын активисттери үчүн тренинг өткөрүлдү
Жаңы конуштардын активисттери үчүн тренинг өткөрүлдү
 Кыргызстандын жана Түркиянын ички иштер министрлери жолугушту
Кыргызстандын жана Түркиянын ички иштер министрлери жолугушту
Саламат Садыковадан жаңы ыр “Бул өмүр!” (видео)
Саламат Садыковадан жаңы ыр “Бул өмүр!” (видео)
​Нурмагомедов ММА мушкери Жорж Сен-Пьерди мелдешке чакырды
​Нурмагомедов ММА мушкери Жорж Сен-Пьерди мелдешке чакырды
Назира Айтбекова: Аял сүйбөгөн адамынан тукум улагысы келбейт
Назира Айтбекова: Аял сүйбөгөн адамынан тукум улагысы келбейт