Үстөл үстүндө ойнолчу көк-бөрү оюну сатыкка чыгат (фото)

Үстөл үстүндө ойнолчу көк-бөрү оюну сатыкка чыгат (фото)
30-Авг. 2018, Бейшемби, 14:09

Шахмат сыяктуу үстөл үстүндө ойноло турган улуттук көк бөрү оюну сатыкка чыкты. Бул тууралуу бүгүн 30-августа Бишкекте болгон басма сөз жыйынында “Авеста тренинг” евразиялык жумушчу кеңешинин өкүлү Дмитрий Лысенко маалымдады.

Үстөл үстүндө ойноло турган көк бөрү оюну 7 жаштан жогору балдарга арналган.

“Учурда улуттук оюндардын бүтүндөй сериясы иштелип чыгууда. Оюн балдарга өлкөбүздүн тарыхын үйрөтүп, ата-бабаларыбыздын, элибиздин руханий байлыктарын таанууга жардам берет. Бул Кыргызстанда иштелип чыккан биринчи үстөл үстүндөгү оюн болуп саналат”,-деди Лысенко.

Айта кетсек, оюн ушул жылдын февраль айынан тарта иштеле баштаган.

“Биздин фонд балдарды тарбиялоочу улуттук оюндарды өнүктүрүүнү максат кылат. Биз бул оюнду психологдордун, сүрөтчүлөрдүн жана дизайнерлердин тобу менен иштеп чыктык. Көк бөрүнүн бардык эрежелери сакталды”,-деди “Кыргыз эл оюндары” коомдук фондунун башкы директору жана долбоордун автору Чынара Осмоналиева.

Оюн патенттелип, бүгүнкү күнгө карата 500 экземпляр чыгарылган. Дагы кошумча 10 миң экземпляр кыргыз, орус жана англис тилдеринде чыгарылат. Анын баасы 1 миң сом болот»,-деди Осмоналиева.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!