Жыл сайын окуучулардын саны өсүүдө

Жыл сайын окуучулардын саны өсүүдө
12-Сен. 2018, Шаршемби, 12:11

Окуучулардын саны 2012-жылга салыштырмалуу 18 пайызга өстү. Ал эми былтыркы жылга карата 4,0 пайызга жогорулады.Бул тууралуу Билим берүү министрлигинин басма сөз кызматы билдирди.

Шаарларда 25 пайызга, айылдарда 14 пайызга өсүү болду. Айта кетсек, азыркы учурда өлкөдө 2262 мектеп иштейт, 1 млн 223 миң бала окуйт.

Билим берүү жана илим министрлигинин Билим берүүнү башкаруунун маалыматтык системасынын базасына ылайык, иштеп жаткан мектептердин долбоордук кубаттуулугу 774 120 орунду түзөт.

Эскерте кетсек, алардын ичинен 446 мектеп бир сменалык, 1657 мектеп – эки сменалык жана 159 мектепте ашыкча толушуна байланыштуу башталгыч мектептерде окутуу ийкемдүү иш тартибине ылайык жүргүзүлүп жатат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!