Лопес катышкан романтикалык комедия "Начни сначала"

Лопес катышкан романтикалык комедия
20-Июль 2018, Жума, 15:46

48 жаштагы Дженнифер Лопес комедиялык жанрга кайтып келип "Начни сначала" (Second Act) аттуу тасмага тартылды. Фильмди чыгаргандар анын эң алгачкы официалдуу трейлерин тартуулашты.

Фильмдин режиссеру Питер Сигал ага башкы каармандын ролун сунуштаган. 40 жаштагы Майя аттуу аял кыялын орундатуу үчүн эң чоң корпорациядан жумуш алат. Лопестин каарманы бүтүндөй дүйнөгө туубаса талант жана жеке мүнөз жогорку окуу жайдан алган дипломго караганда маанилүү экенин тастыктамакчы.

Тартуу иштери тууралуу Дженнифер өткөн жылы айткан:

“Бул окуя ар бир аялды чоң бир нерсе жасоого түрткү берет жана кыялданууда чектөө койбош керек экендигин үйрөтөт”,-деди ал өз сөзүндө.

"Начни сначала" комедиясынын премьерасы 22-ноябрда болмокчу.


Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!